check_box_outline_blank zoom_in zoom_out
SSRQ ZH NF II/11 85-1

Sammlung Schweizerischer Rechtsquellen, I. Abteilung: Die Rechtsquellen des Kantons Zürich. Neue Folge. Zweiter Teil: Rechte der Landschaft. Band 11: Die Obervogteien um die Stadt Zürich, von Ariane Huber Hernández und Michael Nadig

Zitation: SSRQ ZH NF II/11 85-1

Lizenz: CC BY-NC-SA

Bittschreiben der Gemeinde Hottingen wegen der Wahl und Überprüfung der Geschworenen

1570.

Die Gemeinde Hottingen beklagt sich, dass die Geschworenen ihre Pflichten nicht erfüllen würden und lieber tränken und prassten, als die obrigkeitlichen Verbote und Mandate umzusetzen. Es handle sich besonders um erst kürzlich in die Wacht gezogene Leute, welche die alteingesessenen überstimmten und verschwenderisch mit dem Gemeindegut umgingen. Daher bittet die Gemeinde Hottingen Bürgermeister und Rat der Stadt Zürich, nur Leute als Geschworene zuzulassen, die Lesen und Schreiben können und deren Vater bereits in Hottingen ansässig war. Sollte niemand zur Verfügung stehen, der diese Kriterien erfüllt, sollen die Kandidaten wenigstens bereits zehn Jahre in Hottingen ansässig sein. Die Gewählten sollen über ihre Einnahmen und Ausgaben Rechenschaft ablegen müssen, zusammen mit dem Untervogt die Einhaltung der obrigkeitlichen Mandate überwachen und die Aufsicht über die Gräben und Strassen ausüben. Die Gemeinde Hottingen bittet den Rat zudem, eine Busse festzusetzen, welche die Geschworenen erheben können, wenn sich jemand ihren diesbezüglichen Anweisungen widersetzt.

  • Signatur: StAZH A 149.1, Nr. 22
  • Originaldatierung: 1570 (Datierung nach Brändli 2000, S. 18)
    • Überlieferung: Entwurf (?) (Doppelblatt)
  • Erhaltungszustand: Beschnitten
  • Beschreibstoff: Papier
  • Format B × H (cm): 21.5 × 32.0
  • Sprache: Deutsch

Die vorliegende Bittschrift der Gemeinde HottingenOrt: Organisation: nennt nicht nur die bestehenden Pflichten der Geschworenen, sondern auch, welche Anforderungen die alteingesessenen Gemeindegenossen gerne an dieses Amt stellen würden. Ein Dorsualvermerk hält jedoch fest, dass die Obrigkeit nicht auf die Petition einging: «Ward nüt daruß». Brändli datiert sie auf etwa 1570 (Brändli 2000, S. 18, 21). Zu den Aufgaben der Geschworenen äussert sich auch die Gemeindeordnung von HottingenOrt: (SSRQ ZH NF II/11, Nr. 68). 1578 kam es auch in der Gemeinde EngeOrt: Organisation: zu einem Konflikt zwischen Alteingesessenen und Neuzuzügern um die Wahl der Geschworenen (SSRQ ZH NF II/11 92-1). Allgemein zu den Geschworenen vgl. Kunz 1948, S. 49-55.

Editionstext


Strenngenn, fromenn, vestenn, fürsichenn, ersamen, wysenn herr
burgermeister, sonders gnedig herrenn. Wiewol die geschwornen, so da alle jarWiederholte Zeitspanne: 1 Jahr von einer gemeind zuͦ HottingennOrt: erkiesst
werdend, nit nun allein schrybenns unnd läͤßens bericht unnd
derselbenn gemeind ir innemmen unnd ussgebenn eygentlich uffzezeichnen pflichtig, sonders ouch nach altem bruch unnd harkommen inen wol unnd redlich hußzehaltenn, deßglichenn
die jhenigenn, so üwer, unnser gngnädigen herrenn, verbott unnd mandat
übersechend, alls wol alls die eegoumer, diewyl wir suntst
dero by unns dheine hand, dem undervogt helffenn zeleidenn
unnd anzuͦzeigenn schuldig sin, darzuͦ ouch die straassenn unnd
graͤbenn rumen ald uffthuͦn unnd also stäͤg unnd waͤg, damit
man ryttenn, gefarenn unnd gewandlenn möge, inn guͦtenn eeren
haltenn unnd machenn heissenn, unnd nemlich inn allwaͤg
der gemeind nutz fürdern unnd schadenn wendenn sölltind. So
wirt doch söllichem gestrax zuͦwider gehandlot unnd nit nachgangenn, sonders durch die jhenigenn, so mer uff trinckenn unnd
prassenn wäder uff einer oberkeit mandaten unnd gemeinem nutz hand,
inn erwellung der geschwornen alle jarWiederholte Zeitspanne: 1 Jahr fürtroffenn, also das
derselbenn zeerhafftenn personen gar viel unnder inen, unnd zuͦ dem
ouch kurtzlich inn die wacht menger nüwer zogenn, die sich
alle dess meren teils einandern anhenngig unnd bystenndig machend
unnd also ein erberkeit oder die altenn übermeerind unnd die geschwornen von irs glichenn trinckern nemmind, die sich dann
aller hinlaͤssigkeit bruchenn, ouch dem gemeinen nutz zuͤ entgegenn
handlenn unnd vil unnützes costenns uff ein gemeind trybenn
thuͦnd, mit dem, das inen je zuͦ zyttenn inn derselbenn hendlenn
der wyn unnd das wirtzhus, wie obvermerckt, vil necher waͤder aber
die gescheffte angelaͤgenn sin, unnd man also von einer jedenn sach
waͤgenn uss gemeinem guͦt zeerenn wil, wellichs dann
unns, dem undervogt unnd den altenn, alls denen, so gern wol hußhieltenn, gar beschwerlich, ouch zuͤ nachred unnd schaͤdlichem verderben einer gemeind reichenn unnd unsers achtens söllich guͤt
von unnsern vaͤttern nit der gestalt zebruchenn zuͦsamen geleit ist,
sonder vil mer darumb, das es zuͦ einer gemeind handenn, ob die
nödt anstiesse, alls thüre, krieg unnd derglich gebraͤstenn, behalten,
damit dero alßdann deßt bass geholffenn möcht werdenn. Desshalbenn an üch, unser gngnädigen herren, unnser gar dientstlich pitt langt,
unns hierinn vaͤtterlichenn zebedennckenn unnd inn etlichen waͤg, [S. 2]Seitenumbruch
dardurch dise beschwerdenn hingethan, zuͤhilff zekommen unnd
benantlich, so es üwers gefallenns, zuͦverwilligenn, das nun
hinfür unnder unns endheiner, er könne dann schribenn unnd laͤsen
unnd syge sin vatter inn der wacht HottingennOrt: hußhablich gesin,
zuͦ einem geschwornen genommen werde. Unnd ob sich aber
begebenn, das man deren einen nit habenn möcht, es were vonwägenn der alten absterbens unnd das der jungen noch keiner so alt
wordenn, der hierzuͦ zebruchenn togenlich, so söllte man doch
keinen frömbdenn zuͦ einem geschwornen erkießenn, dann der
vorhin zechenn jarZeitspanne: 10 Jahre inn der wacht HottingennOrt: hußhablich gesessenn,
ouch nit zeerhafft oder verthuͦygig, sonder hier zuͦ geschickt unnd
schrybens unnd laͤßens so bericht were, das er der gemeind
innemmen unnd ussgebenn wol unnd ordenlich uffzeichnen könte,
unnd innsonderheit welliche je also erkhosenn werdind, die söllind
geflissenn einer gemeind nutz fürdern unnd schadenn wendenn
unnd je zuͦ zyttenn, so es von nödtenn unnd an sy erfordrot wirt, irs
innemmens unnd ußgebens guͦt erbar unnd redliche rechnung
gebenn, benantlich ouch uffsechenn unnd glich alls wol wie
die eegoumer mit dem undervogt anhaltenn, das üwer, unserer
herren, mandat unnd verbottenn trüwlich gelaͤpt, deßglichen
zuͦ herpstZeitspanne: Herbst oder andern zyttenn, so dick es die notturfft ervordrot,
die graͤbenn, damit niemand dhein schad mit ertrinckung siner
guͤtern oder suntst gescheche, uffthun, die straassenn bessern
unnd machenn, ouch staͤg unnd waͤg inn eeren zehaltenn heissenn,
a unnd
wem sy es also gebiettend unnd der dem nit statt thaͤtte, das der
ald dieselbenn ungehorsamen denne von üch, unsern ggnädigen herren,
umb ein buͦss, wie üch die hiemit zeschoͤpffenn gefellig sin wil,
gestrafft werdenn söllten. Unnd diewyl nun wir obgenante, der undervogt unnd die altenn, genntzlich achtend, das mit
söllicher wyss unnd mass dem üblenn sorg unnd hushaltenn
fürkommen unnd also demnach die zeerhafftenn unnd gemeinem
nutz widerstraͤbendenn gsellenn, die dann merteils erst kurlichKorrigiert: kurzlichb
harin inn die wacht zogenn, sy inn disem fal nit mer über meren,
sonders das man dann geschworne erkiessenn möchte, die erber
unnd bescheidenn sin unnd üwer, unser herren, mandat unnd verbott by unns styffer dann bißhar gehalten wurdind, so pittenn
wir üch, wie obstadt, gar trungenlichenn, söllich unnser obangeregte [S. 3]Seitenumbruch
pitt anzesechenn, unns das so vor vergriffenn uff üwer gefallen
zebestaͤtigenn, unnd ouch also gnedencklichenn der jhenigenn halben,
die den geschwornen inn heissenn ald gebiettenn vorgemelter wyss,
es syge mit grabenn uffthuͦn ald strassenn bessern unnd anderm, ungehorsam erschinind, ein buͦss, alls vorvermerckt wirt, zu üwer, mine
herren, handenn bestimen unnd uffsetzenn, damit sich mencklich
inn deßt besserer gehorsami halte, das wellenn umb
üwer c–ggnadenUnsichere Lesung–c wir jeder zytt gar underthaͤnig alls die üwern zuͦverdienen williger dann willig sin.
[S. 4]Seitenumbruch
[Vermerk auf der Rückseite von Hand des 16. Jh.:]
Supplicatz von deͣren von HottingenOrt: wegen.
Ward nüt daruß.
[Vermerk auf der Rückseite von Hand des 18. Jh.:]
Der gemeind HottingenOrt: Organisation: begehrn wegen der wahl ihrer
geschwohrnen.

Anmerkungen

  1. Streichung: unnd alles das ze thuͦnd, so von altem har brucht ist.↩
  2. Korrigiert: kurzlich.↩
  3. Unsichere Lesung.↩