[1] Tuͦhnd deßwegen hieruff maͤnniglichen der Unseren ernstlich und treffenlich hiemit verwahrnen und vermahnen / sich forderist ins gemein / vor allen und jeden unbillichen vortheiligen wuͦcherischen gesuͤchen / griffen und Finantzereyen / es seye im ußlyhen / kauffen / verkauffen und sonsten allem anderen tuͦhn und handel / gaͤntzlich zuhuͤten / hingegen mit und gegen synem naͤchsten und nebend-menschen der Christenlichen Liebe / gebür / billichkeit und bescheidenheit gmaͤß zuhandlen / wie es Gottes wort / auch jedesse guͦt gewüssen / Christenliche / Burger- und Landliche pflicht in allweg erforderet / und in angedeütem Unserem grossen Mandat mit mehrerem / fast erinnerlich angezogen und vermeldet ist.

[2] Demnach soͤllend keine Kernen / Haber / Roggen / Weitzen / Wyn / oder derglychen Gülten / weder mit parem gelt / noch sonsten in einich wyß und weg gemachet werden / sonder dieselben hiemit gaͤntzlich verbotten und abgestrickt syn.

[3] Nit weniger / alllwo uß Gmeind- oder anderen Hoͤltzeren neüwe Felder gemachet / ald Raͤben yngeschlagen werdend / niemand ussert Uns / einichen Grundzinß daruff schlagen / und ob glych etwann andere Geist- oder Weltliche Staͤnd / auch [fol. 3r]Seitenumbruch Grichtsherren / oder sonderbare personen / in ald ussert dem Land gesessen / zu derglychen etwas rechtsamme zuhaben vermeinen wurdend / dieselben jedoch soͤlches vor und ehe nit tuͦhn moͤgen / sy habend sich dann by Uns / alß der hohen Oberkeit umb bewilligung angemeldet.

[4] Was dann drittens die Geltzinß betreffen tuͦht / da ist hiemit Unser ernstlicher gaͤntzlicher will / meinung und Gebott / mit nammen / daß fürohin keine Zinßbrieff / mit früchten / wynen / vych noch anderen wahren oder übergebenden schulden / sonder allein mit guͦtem parem gelt / ohne einichen abbruch / hundert für hundert in allen treüwen / und zwar uff widerloͤsung gemacht und angelegt / auch darvon nit mehr / dann fünfMenge: 5 von hundertMenge: 100 / das ist / je von zwaͤntzig guldinWährung: 20 Gulden / ein guldinWährung: 1 Gulden / innhalt Unserer alten Satzungen / zu jaͤhrlichemWiederholte Zeitspanne: 1 Jahr zinß gefordert und genommen / hinwiderumb aber auch in allen treüwen / müglichster maassen / richtig uff zil und tag zinset und zahlt / umb das überwarten aber der verfallnen Haubtguͤteren / einicher mehr schatz oder mehr besser / nit geforderet noch genommen / sonder solcher hiemit auch gaͤntzlich aberkent syn und blyben / und nüt desto weniger ehrlichen lühten by disem grossen geltmangel / mit dem ynzug der Haubtguͤteren / wo die Schuldglaͤubiger solcher nit unvermydenlich vonnoͤhten / darumb aber gnuͦgsam [fol. 3v]Seitenumbruch versicheret sind / nach hievorigen Unseren erlüterungen uffgehalten und verschohnet werden.

[5] Und damit nun by uffrichtung ob angedüter Briefen allerhand gfehrd / beschiß / wuͦcher und betrug desto mehr vorgebogen werden moͤge / so habend Wir geordnet und angesehen auch uns dessen erlüteret und erkent: Namlich / daß fürohin uff Unser Landschafft / alle Brief umb gelt-anliehungen und kaͤuff / allwegen / wo es immer syn kan / vor Gricht / oder wenigsts / durch die bestellten / ordenlichen Schryber / jedes orts ufgericht / dieselben aber von deßwegen schuldig und verbunden syn / hierumb gewüsse / ordenliche und flyssige protocoll und verzeichnussen zuhaben und zuhalten / auch solche allwegen jedem nachfahren / zur nachricht überantwortet werden / auch jeder sich des gemachten Schryber-Taxes vernuͤgen / und nützid darüber / aber wol darunder und minder zulohn forderen und nemmen moͤgen / was aber hingegen von anderen Schryberen / wer glych dieselben werend / fürbaß geschriben / und nit von jeden orts bestelltem ordenlichem Schryber underschriben wurde / das solle gar nit moͤgen besiglet werden.

Und damit diß alles desto mehr bestand haben moͤge / so ist hiemit Unser meinung / daß sich diser Unseren wolmeinlich angesehnen Ordnung / nit allein Unsere Voͤgt / sonder auch aller und jeder Grichtsherren auch Prelaten / Weibel und Be[fol. 4r]Seitenumbruchamptete in Unseren Landen in allweg beflyssen / und gar keine Brieff / so also unseren Mandaten Und Satzungen zuwider sind / besiglen / oder so es künfftig beschehe / sollich Brieff und Verschrybungen gantz ungültig und unkraͤfftig syn;

[6] Alß auch über das / die zythar / umb ußgelihene Gelter und angelegte Zinß / an statt formbklicher Briefen / nur ußgeschnittne Zedel ald Handschrifften gemacht worden / die der Haubtschuldner etwann selbs geschriben und auch besiglet / damit aber des Datums halber allerley gefahren gebrucht worden / sollen dieselben zwaren (so sy in anderen Briefen ordenlich vorgesetzt) in ihrem wehrt verblyben / die aber fürs künfftig gemacht / und in anderen Briefen nit ordenlich vorgesetzt / wie auch andere Obligationen Brief und Verschrybungen / so wider Unsere Satzungen uffgericht und geschriben werden moͤchtend / nit mehr anderst alß für einfalte Handschrifften in ufffaͤhlen gehalten werden und gelten moͤgen.