Ordnung und ansehen / wie hynfür zuͦ ZürichOrt: in der Statt über Eelich sachen gericht sol werden

Holzschnitt1

Getruckt zuͦ ZürichAusstellungsort: / durch Johansen HagerPerson: a b–Anno 1525Korrektur überschrieben, ersetzt: 0dKorrektur von Hand des 18. Jh. auf Zeilenhöhe, ersetzt: 1599c–b

Wir der Burgermeister / radt und der groß Radt / so man nempt die zweyhundert der Statt ZürichOrt: Organisation: / Embieten allen und jeden Lütpriesteren / Pfarreren / Seelsorgeren und Predicanten / ouch allen Obervoͤgten / Undervoͤgten / Amptlüten / unnd sust mengklichem / so in unseren stetten / Grafschafften / herschafften / hochen und nidren gerichten / unnd gebieten / verpfruͦndt / wonhafft und gesessen sind / Unsern gruͦß / günstigen und geneigten willen. Und thuͦnd üch berichten / als ouch sust jederman bißhar gesehen und befunden hat wie vil und mengerley zuͦsprüchen und irrungen ufferstanden sind in Eelichen sachen: Darumb die parthyen für und für einandren gen CostentzOrt: 2 / oder andere froͤmbde gericht geladt / und mit mercklichem grossen kosten gerechtvertiget. Da selbs sy ouch je zuͦzyten nach dem die lüt anzytlichem guͦt hablich gewesen (unsers bedunckens) eben gevarlich unußgericht / uffgehalten sind etcAbkürzung. Und da mit soͤlicher grosser kost / muͤy und arbeit / zwüschend üch mans und wybs personen so also der Ee halb / an einandren ze sprechen habend und in unseren gebieten / hohen und nidren gerichten gesessen und won hafft sind / hingelegt / abgethon / und für kummen / ouch menklich unverzogenlich mitt recht gefertiget werde. So haben wir diß nachvolgend gemein satzungen von der Ee wegen / geordnet / angesehen. Ouch die zuͦminderen / ze meren oder gar hyn ze thuͦn: Ein zyt lang ze uͤben / angenommen. Und ob von unsern getrüwen lieben EydgnossenOrganisation: / uss welchem Ort das waͤre / etwan parthyen kemind / die umb des minsten kostens willen / by uns in Elichen sachen dz recht suͦchen und bruchen weltind. Wenn dann die selben bed [fol. 2r]Seitenumbruch parthyen / jede von ir oberkeit / brieff und sigel bringend das inen soͤlich recht an ze nemen verwilliget sye / so soͤllend sy umb sunderer früntschafft willen / angenomen werden / und man inen das recht in aller gestalt wie den unseren / ergon lassen / und sust sich niemans ussert unser Statt ZürichOrt: gebieten gesessen / beladen.

Und damit soͤlcher gerichtshandel fürderlich / als die noturfft hoͤischt / geuͤbt werde / haben wir zuͦ Richteren verordnet sechsMenge: 6 man / namlich zwenMenge: 2 von den Lütpriesteren in unser Statt / die des goͤtlichen worts bericht / Item zwenMenge: 2 uß dem kleinenOrganisation: / und zwenMenge: 2 uß unserem grossen RaͤdtOrganisation: . Under denen allen sol einer zwen MonatZeitspanne: 2 Monate Obman oder Richter sin / beruͤffen / gebieten / versamlen / anfragen / und soͤlichen gerichts handel / wie die noturfft erfordret / uͤben und vollstrecken.

Was die nach ynnhalt der nachgeschribnen articklen und satzungen / richtend unnd sprechend / dar by sol es blyben. Ob aber etwar der unseren ann anderer welte appellieren / das sol niendert hin anders / denn für ein Ersamen RadtOrganisation: in unser stat ZürichOrt: gezogen werden.

Die gerichts tag werdend und soͤllend sin / am mentagWiederholte Zeitspanne: 2 Wochen und donstagWiederholte Zeitspanne: 5 Wochen.

Des gerichts platz oder statt / werdend die Richter erwellen und anzeigen. Also wenn es eins geschlagen hat nach mittagZeit: 13:00 / das dann die Richter / Notarius oder schriber / des gerichts weibel / und wer zum gericht dienet / by iren Eyden da selbs sin soͤllend / und wie sich gebürt / helffen handlen. Ob aber etlicher der stat unnd andrer eehafften sachen halb / nit moͤchte da sin / denn sol unser Burgermeister durch den weibel / einen anderen dar geben und gebieten lassen.

Und welcher je zuͦ zyten Richter ist / der sol des gerichts eigen ynsigel haben / und durch den weybel von [fol. 2v]Seitenumbruch mund oder mit briefen / tagsatzung und gebott thuͦn / allweg by guͦter zyt.

Er sol ouch die sachen so für inn kummend / und vorbetrachtung oder beratens bedoͤrffen / über acht tagZeitspanne: 8 Tage nit verziehen oder uff halten / damit die lüt fürderlich zuͦ oder von einandren gefertiget werdind.

[ 1 ] Erklaͤrung diser satzung

Es sol aber nieman dem andren die sinen vermaͤhlen / verpflichten / oder hingeben / one gunst / wüssen und willen vatter muͦter / voͤgten / oder deren denen die kind stond ze versprechen. Wer aber das übergienge / sol gestrafft werden / nach gestalt der sach / und die Ee nüt gelten.

Damit nun die Ee nit ungemeiner / denn vor / gemacht werde / so sol kein Ee hafften die ein kind bezuge hinder obgemelten sinem vatter / muͦter / voͤgten / oder verwalteren / wie die genempt sind / ee dann es voͤllenklich nünzehen jarenAlter: 19 Jahre alt sye. Geschehe es aber vor disen jaren / so moͤgends die genanten sin vatter etcAbkürzung. hinderen und vernütigen.

Wo aber die selben sümig waͤrind / und ire kind nitt versaͤhind innerthalb den .xix. jarenAlter: 19 Jahre / so moͤgend sy sich darnach mit gots hilff / selbs / von yederman ungehindret und on alle engeltnus verheinraten und versorgen.

Es sol ouch weder vatter / muͦter / anwalten / noch nieman / ire kind zwingen oder noͤten zuͦ keiner Ee / wider iren willen / zuͦ keinen zyten. Wo aber das geschaͤhe und rechtlich geklagt wurde / sol es nüdt gelten / und die übertretter gestrafft werden.

Die Ee ze beziehen oder gmachte Ee / wie recht ist und obstat / sol hin für nüt mee hinderen noch zertrennen / keinerley grad / glyd / noch ander sachen / denn die in der goͤtlichen gschrifft Levitici .xviij.Menge: 18 klarlich ußgetruckt werdend.3

Und was bißhar mit dispensieren und umb gelt erlangt worden ist / sol alles uß sin / und nit me irren.

[ 2 ] Ußnemung von dem gesatzt

Wenn zweyMenge: 2 einandren nemid die fry waͤrind / und nieman hettind dem sy zuͦ versprechen stuͤndind / oder der sich iren annem / und sy einandren gijchtig sind / die soͤllend einandren halten. Doch sol das meitly über xiiijAlter: 14 Jahre und der knab über .xvj. jarAlter: 16 Jahre sin.

Wo sy aber einandren abred sind / unnd kein kundtschafft hand / nach lut des obgeschribnen gesatztes / so wirdt es nüdt gelten / darnach wüsse sich jederman ze bewaren sorg zehaben / und sich vorschanden und schaden ze huͤten.

So aber einer ein tochter / magt / oder jungfrow verfelt / geschmaͤcht / oder geschwecht hette / die noch / nit vermaͤchlet were / der sol iro ein morgengab geben und sy zuͦ der Ee han.4 Wend ims vatter unnd muͦter / voͤgt / oder verwalter / nit lon / so sol der secher die tochter ußstüren / nach der oberkeit erkantnus.

Und ob jeman sich des andren gefarlich und zuͦ uffsatz beruͦmen wurd / und sich soͤmlichs offenlich erfunde das sol hoch gestrafft werden.

Item argwon / hinderred / betrug zevermyden / so wellend wir das ein jetliche Ee / die rechtlich bezogen ist / offentlich in der kilchen bezügt und mit der gmeind fürbitt zesamen werde gegeben. Ouch sol ein yeder Pfarrer soͤmlich personen all anschryben und uff zeichnen / und keiner dem andren sine underthonen zuͦ fuͤren one sin gunst und offenlichen kuntlichen willen.

[ 3 ] Was ein Ee zetrennen moͤg oder scheyden

Es zimpt einem frommen Eemenschen / das kein ursach dar zuͦ geben hat / das ander so an offenlichem eebruch ergriffen wirt / von im zestossen / gar verlassen und sich mit einem andren gemahel ze versehen.

Dißnennend aber wir und achtend ein offnen Eebruch / der vor dem EegrichtOrganisation: mit offner gnuͦgsamer kundschafft / wie recht ist / erfunden und erwyßt / oder an offner that so baͤrlich und argwenig wirt / das die that mit keiner gstalt der warheit mag verleugnet werden.

Die wyl aber dem Eebruch nitt gelimpffet werden sol / und nieman ursach suͦchen zuͦ einer nüwen Ee durch eebrechen zekummen / wirt not sin das man ouch ein herte straff uff den eebruch setze / denn er ouch imm alten Testament by versteinung was verbotten.

Uff soͤlich werden die Pfarrer denen das gots wort und uffsehen bevolhen ist / soͤmlich übertretter mit der Christenlichen gmeind Bannen und ußschliessen. Aber die lyplich straff und mit dem guͦt ze handlen / der oberkeit heim setzen.

Das aber nieman uß soͤlichen ursachen ab der Ee schühen welte / unnd in huͦry sich verligen soͤllend die selben ouch / als jetz gemeltd / gebannet werden.

So nun die Ee von got yngsetzt ist / unküschheit ze vermyden. Und aber dick erfunden werdend / die von natur oder andren gebresten / ungeschickt oder unmügend sind zuͦ Elichen wercken / soͤllend sy nüt destminder ein jarZeitspanne: 1 Jahr früntlich by einandren wonen / ob es umb sy besser wurde / durch ir und andrer biderberlüten fürbitten willen. Wirt es nit besser in der zyt / sol man sy von ein andren scheiden / und anderschwo sich vermaͤhlen lassen.

Item / groͤsser sachen denn Eebruch / als so eines das leben verwurckte / nitt sicher vor einandren waͤrind / wuͦtende / unsinnige / mit huͦry tratzen5 / oder ob eines das ander unerloubt verliesse / lang uß waͤre / ußsetzig / und der glychen / darinn nieman von unglyche der sachen / kein gwüß gsatzt machen kan. Moͤget die Richter erfaren und handlen / wie sy gott und gestalten der sachen werdend underwysen.