SSRQ online · SDS online

SSRQ ZH NF I/1/3 169-1
Sammlung Schweizerischer Rechtsquellen, I. Abteilung: Die Rechtsquellen des Kantons Zürich. Neue Folge. Erster Teil: Die Stadtrechte von Zürich und Winterthur. Erste Reihe: Stadt und Territorialstaat Zürich. Band 3: Stadt und Territorialstaat Zürich II (1460 bis Reformation), von Michael Schaffner

Zitation: SSRQ ZH NF I/1/3 169-1

Lizenz: CC BY-NC-SA

Eide für die jährlichen Schwörtage in den Obervogteien der Stadt Zürich sowie Verordnungen zur anschliessenden Verlesung

ca. 1539 – 1541.

Regest

Die Bewohner der Obervogteien sollen schwören, Bürgermeister, Kleinem und Grossem Rat der Stadt Zürich sowie ihrem Vogt Treu und Wahrheit zu halten, gehorsam zu sein, anzuzeigen, was der Stadt Schaden bringen könnte, Zerwürfnisse zu schlichten und niemanden vor fremde Gerichte zu ziehen, geistliche oder weltliche, ausser es wird vom Rat ausdrücklich erlaubt (1). Der Untervogt soll schwören, den Herren von Zürich Treu und Wahrheit zu halten, den Nutzen der Stadt zu fördern und Schaden abzuwenden, ihre Rechte zu schützen und alles dasjenige, was die Belange der Stadt betrifft, dem Obervogt anzuzeigen (2). Im Anschluss an die Eidleistung sollen den Untertanen die nachfolgend genannten Bestimmungen und Verbote verlesen werden. Diese betreffen das Vergraben von totem Vieh (3), die Bevogtung von Waisenkindern (4), die Verbote des Fluchens, Zutrinkens, des Tragens geschlitzter Hosen, des Spielens sowie der Jagd und des Vogelfangs ausserhalb der erlaubten Zeiten (5), die Verbote des Tanzens ausserhalb offener Hochzeiten und Kirchweihen, des Umwerfens beim Tanzen und des Tanzens mit offenen Kleidern sowie von Tanzveranstaltungen, die länger als einen Tag und eine Nacht dauern (6), den Obstfrevel (7), Schlaghändel und die Verletzung von Personen, die diese zu schlichten versuchen (8), das Verbot des Reislaufs (9), die Vernachlässigung der Pflicht zur Abgabe von Zeugenaussagen (10), die Verpflichtung zum Besitz von Harnisch und Waffen (11), Frieden abtrinken und Frieden bieten (12), die jährliche Verlesung der sie betreffenden Artikel des gedruckten Grossen Mandats gegenüber den Wirten (13), die Verpflichtung der Untertanen zur Mithilfe bei Festnahmen (14), die Beschränkung der Kosten für den Unterhalt Gefangener (15) sowie die Verpflichtung zur Klageerhebung bei Freveln innert zwei Monaten (16).

Stückbeschreibung

Signatur: StAZH B III 4, fol. 88r-92v
Originaldatierung: ca. 1539 – 1541

Überlieferung: Einträge

Beschreibstoff: Pergament
Format B × H (cm): 20.0 × 29.5
Sprache: Deutsch
Schreiber: Werner Beyel, Stadtschreiber von Zürich

Kommentar

Ähnliche Eide wie der in der vorliegenden Aufzeichnung festgelegte hatten die Untertanen jährlich in den Land- und Obervogteien der Stadt ZürichOrt: zu leisten (für den Eid der Leute von GreifenseeOrt: vgl. SSRQ ZH NF II/3 25-1). Die im vorliegenden Eid verwendete Formulierung, die Untertanen hätten der Stadt «gewärttig unnd gehorsam» zu sein, geht auf den Waldmannhandel des Jahres 1489 zurück, als die eidliche Verpflichtung zur Gehorsamkeit «in allen sachen» auf Verlangen der Bewohner der Landschaft gestrichen wurde (Sieber 2001, S. 31).

Analog zum Vorgehen in der Stadt wurden auch auf der Landschaft im Anschluss an die Eidleistung besonders wichtige Bestimmungen und Verbote verlesen (für die Eidleistung in der Stadt vgl. SSRQ ZH NF I/1/3 168-1).

Zu den Obervogteien der Stadt ZürichOrt: vgl. SSRQ ZH NF I/1/3 92-1.

Editionstext

Der jareyd mitsampt den ordnungen, die man järlichWiederholte Zeitspanne: 1 Jahr den biderben lütten uff der landtschafft inn den vogtyen, so man uß der statt hinuß bevogtet,1 vorlißt

[1] Ir söllent schweren unnseren gnedigenUnterstrichen herren dem burgermeysterUnterstrichen, den räthen unnd dem grossen rath, genannt die zweyhundert, der statt ZürichOrt: UnterstrichenOrganisation: , trüw unnd warheyt zuͦhalten, inen, ouch irem gegenwürttigen vogt an irer statt unnd inn irem nammen gewärttig unnd gehorsam zuͦsind. Unnd ob üwer dheyner ützit vernëme, das den vorgenannten unnsern gnedigen herren von ZürichOrt: Unterstrichen, irer gemeynen statt unnd gemeynem irem lannde schaden oder geprësten bryngen möchte, das inen unnd irem vogt fürzebryngen, zewarnen unnd zewennden, als feer üwer yettlichen sin lyb und guͦt gelanngen mag. Unnd wo üwer eyner by dheyner zerwürffnuss ist, die sicht oder hört, ald darzuͦ kompt, die zuͦstellen unntz an ein recht, alss feer er kan unnd mag. Ob ouch üwer dheyner yeman den annderen gefaarlich sëche umbziechen oder umbfuͤren, es were lüth oder guͦt, das uffzeheben, zuͦhanndthaben unnd zehefften zuͦ dem rechten. Unnd ouch üwer dheyner den annderen, er syg rych oder armm, mit dheynen frömbden gerichten, geystlichen noch weltlichen, fürzuͦnemmen, umbzetryben, noch zuͦbekümberen, umb dheyn sach, unnd üwer yettlicher von dem annderen das recht zuͦsuͦchen unnd zuͦnemmen an den ënnden unnd an den gerichten, da der ansprächig gesessen oder wohyn er gerichtszwingig ist oder vor den obgenannten unnsern gnedigen herrenn [fol. 88v]Seitenumbruch von ZürichOrt: Unterstrichen, ob die die sach für sich nemind, üwer dheynem werde dann von denselben unnseren herren annders oder wytter erloupt oder vergonnt, alles getrüwlich, on arglist unnd ungefaarlich.

[ 2 ] Deß unndervogts eyd, so er besunder schweeren soll

Es soll der undervogtUnterstrichen nach dem vorgethanen eyd aber einen besunderen eyd schweeren, unnseren herren von ZürichOrt: Unterstrichen unnd ir gemeynen statt trüw unnd warheyt zuͦhaltten, iren nutz zuͦfürderen unnd iren schaden zuͦwennden, ouch inen ir gericht unnd rechtung zuͦbehalten, als das von alterhar kommen ist, alss feer er kan unnd mag unnd was im fürkompt, das unnseren herren von ZürichOrt: Unterstrichen zuͦlangt, das einem vogtUnterstrichen zuͦleyden unnd fürzuͦbringen, unnd unnseren herren von ZürichOrt: Unterstrichen das bests und wegsts zethuͦnd, getrüwlich unnd ungefaarlich.

[fol. 89r]Seitenumbruch

Diß nachgeschriben alles soll inen, nachdem und sy geschweerend, vorgeleͣsen und inen by iren geschwornen eyden zuͦhalten gebotten werden

[3] Ob üwer dheynem vich stu̍rbeUnterstrichen, das fürderlich begraben zuͦlassen, damit annderem vich dheyn schad beschëchen möge, by der buͦss eins halben march silbersWährung: 0.5 Mark .

[4] Item wie vormalen verkündt ist, kynnd, denen ir vatter unnd muͦtter abstërbind mit unnser vorgenannten herren von ZürichOrt: unnd irs vogts rath zuͦbevogten unnd dann der vogt denselben unnseren herren von ZürichOrt: Unterstrichen unnd den fründen järlichWiederholte Zeitspanne: 1 Jahr rechnung zuͦgëben, das es daby aber belyben unnd bestan und dem also getrüwlich nachgangen werden soll.2

[fol. 89v]Seitenumbruch

[5] Unnd wiewol die vorgenannten unnser gnedig herren von ZürichOrt: Unterstrichen vormals das schweeren, zuͦtringken, zerhowen hosen, spilen unnd wildprät zuͦ schiessen unnd zejagen, ouch pirssen uff dem wasser, dessglychen das voglen zuͦ schädlichen zytten verbotten haben, das es daby unnd namlich by allen unnd yeden iren ussgangnen cristennlichen mandatenUnterstrichen styff belyben unnd also gehalten werden soll, by der buͦß daruff gesetzt.3

[6] Es soll ouch nyemandts tanntzenUnterstrichen, dann an offenen hochzyten unnd kilchwychinen unnd nunAuffällige Schreibung einen tagZeitspanne: 1 Tag, unnd zuͦ nachtZeitspanne: nachts gar nit, unnd darzuͦ, so man tanntzet, es sigent knaben oder döchteren, frowen oder man, züchtigclichen tanntzen unnd nit einanderen umbwerffenUnterstrichen. Dessglychen soll ouch nyemandts inn blossem lyb tanntzen, uff hochzyt oder kilchwychinen ziechen, sunder sine kleyder vornnen zuͦhan, by der buͦss x Währung: 10 Schillinge Unterstrichen, so digk das beschicht.

[7] Es soll ouch nyemandts dem annderen inn sinen wisen, gärttnen, räben noch guͤtteren wider sinen willen keyn opss, truben noch annders nit nemmen noch verwuͤsten inn dhein weg. Dann wer das übersicht, den wellen unnsere herren straaffen, unnd eyns oder ener möchte das der zyt unnd so gfaarlichen thuͦn, man wurd im das für ein diebstal rëchnen.

[fol. 90r]Seitenumbruch

[8] Wytter, so wüssend ir all, wenn ein zerwürffnussUnterstrichen ist unnd lüth darzuͦ louffend, söllich zerwürffnuss zuͦstellen, alss es dann sin soll, das dann erst die parthygen sich unwësenlich gegeneinanderen baarend, zugkend unnd uff die houwend, so sy also zuͦfrieden stellen wellend, ettlich lamm oder sunst wund howend. Da wellen üch unnser herren erscheynen, üch darnach haben zuͦrichten, wellicher den annderen im scheyden wundet, das sy dann denselben herttenclich wellend straaffen unnd die buͦssen von demselben ouch inzüchen, glych als were er mit im inn zerwürffnuss kommen. Unnd sonnders soll ouch, wo söllich zerwürffnuss ist, ein yeder das understan zuͦfriden zestellen unnd sin bestes darinn thuͦn unnd wär das nit thätte, soll ouch darumb gestraafft werden.

[9] Es haben sich ouch unnser gnedig herren erkennth unnd wöllen, das mengklich uff sy, alss die recht oberhannd, warte unnd one iren willen inn dheyn frömbd, usslenndisch reysen louffe. Dann wellicher ungehorsam erschyndt, zuͦ desselben lyb unnd guͦt soll man gryffen unnd sunderlich die hüser beschlyssen unnd alle die hab, so vorhannden sin mag, zuͦ iren hannden nemmen unnd fürnemmlich, das ein yeder, wo er uffwiggler, geltussgeber oder sunst knecht wüsste, so hynlouffen wöltind, schuldig sige, die den vögten zuͦleyden unnd anzuͦzoygen, unnd wo die vögt nit glych vorhannden werind, das dann eyner guͦt, redlich gsellen zuͦ im nemmen möge [fol. 90v]Seitenumbruch unnd gewalt habe, söllich ungehorsam lüth gefenngklich anzenemmen unnd minen herren zuͦ überantwurten, darnach wüss sich ein yeder zuͦrichten.4

[10] Es ist der eyde bisshar leyder ganntz ryng geachtet worden, das unnsere herren höchlich beschwärt, unnd wellent desshalb, wellichem kundtschafft zesagen ald anndere pott bim eyd angeleyt werdint, das der gehorsammlich erschyne, dem pott unnd dem eyd gnuͦg thuͤge, dann wellicher das nit thuͦn, den wurdent sy herttigclich darumb straaffen.

[11] Unnd wie sy vor jaren umb meerer gewaarsammi willen gebotten haben, das sich mengklich mit harnascht unnd geweeren versëchen sölle, darby lassend sy es nochmaln belyben, das dem gelëpt werde, dann sölte ettwar sümig erfunden, dem werdent sy on gnad die buͦss darumb abnemmen.

[fol. 91r]Seitenumbruch

[12] Unnsere herren verstand, dass ettlich den fridenUnterstrichen uff die gefhaar gegeneinandern abtringkend, das sy glych angends mitteinander unfuͦren unnd einander schädigen, ouch damit der buͦss dess fridbruchsUnterstrichen enndtrynnen mögind. Diewyl aber trug unnd gfhaar nyemandt schirmmen soll, so lassend sy mengklich warnnen, das sich yederman söllicher gefhärden enndtzüche, dann so yemands den friden so gefarlicher wyse abtringken unnd daruff mit worten ald wërgken unfuͦren und fräfflen wurde, den werdent sy zum herttisten straaffen unnd es nit annders achten, dann ob sy noch inn friden mitteinander gewësen unnd der friden nit abtrunngken were.

Man soll nit nun alleyn frid mit blossen wortten hoyschen ald byetten, sunder stattlich unnd tapferlich, wo man yenan darzuͦ kommen mag, frid unnd stallung mit der hannd nemmen, unnd die lüth by guͦtter zyt zuͦ friden halten. Dann wo yeman, wie leyder bisshar beschëchen ist, ettwar hierinn versumpt wurde, da wellent unnsere herren die sümigen herttigclich unnd dermaass straaffen, als die, so iren eyd unnd eeren nit gnuͦg gethan hand.

[13] Es soll eyn vogt verschaffen, das allen wirtten, sy sygint nüw ald alt inn siner vogtyg gesëssen, die artigkel [fol. 91v]Seitenumbruch im grossen trugkten mandat,5 sovyl sy dieselben byndent, järlichWiederholte Zeitspanne: 1 Jahr, so man schweert, vorgelesen werdint unnd sy demmnach vermanen, denselben artigklen by iren vorgeschwornnen eyden zuͦgelëben.

Hie hoͤrt man gewonlich uff.

Dise nachbestimpten artigkel hat man ouchUnterstrichen ettwa inn eyd gesetzt, ein jarZeitspanne: 1 Jahr brucht mans, das annder nit, ye nach gstalt der zyten unnd löuffen. Es was ein söllichs articulieren zuͦ diser zyt, zwischen dem 1530Datum: 1530 unntz inn das 1540Datum: 1540 unnd ettliche jar darnach, hette man nit uffgehört, es werind diser buͤchern wol zweyMenge: 2 voll worden. Sy sind alleyn darumb dahyn gesetzt, ob mans ettwa wytter bruchen wölte, das man destmynder dictierens dörffe. Es ist doch alle tag ein nüws.

[14] Wyter kompt unnseren herren klegt für, wie die underthanen den unndervögten unnd amptlüthen, so sy ettwar fenngklich annemmen wellind, nit als sy söllint beholffen [fol. 92r]Seitenumbruch sygint unnd nyemand angryffen wellind, der unndervogt gryffe dann zum ersten an, das aber von altem nit also harkommen, ouch unnseren herren unerlydenlich ist. Desshalb wellend sy, das mengklich den amptlüthen inn disen fälen gehorsam unnd gewërttig syge unnd als wol angryffe als die amptlüth unnd sich nyemand hynderstellig mache, dann ob jemand hyndersich zusen unnd ungehorsam, zuͦ dem wurde man glychergestalt gryffen unnd in gehorsam machen.

[15] Wie ouch untzhär uff die gefangenen ein unmässiger cost getriben unnd biderblüth trëffenlich damit beschwärt worden, ist unnser herren meynung, das hinfür söllichs abgestelt unnd zymmliche maass brucht werde. Dann es möchte so ein gefaarlicher cost uffgetriben werden, unnser herren wurdent in denen uffleggen, die in uffgetriben hetten. Darnach wüsse sich mengklich zegoumen.

[16] Es langt ouch mine herren an, das die fräfel nit clagt unnd damit der statt ire buͦssen verschleygkt unnd verhalten werdint. Deßhalb wellent sy mengklichen [fol. 92v]Seitenumbruch gewarnnet han, so yemandt ützit fräfels ald gwalts zuͦgefuͤgt werde, das der söllichs nach der statt bruch innerthalb zweyen monatenZeitspanne: 2 Monate clage unnd sin clag stelle. Dann wo das nit beschechen, wurde man die buͦss on alle gnad von beyden teylen nemmen, wie dann söllichs von altemhar kommen unnd der statt bruch ist.

Anmerkungen

Hinzufügung auf Zeilenhöhe von Hand des 17. Jh.: Obbeschribner eydt wirt einem nöuwen undervogt uff folgende weis vorgelesen: Ihr, der undervogt, sollend schweeren, unseren gnedigen herren von ZürichOrt: und ihrer gemeinen statt tröüw und wahrheit zuhalten, ihren nutzen zu fürderen und ihren schaden zu wenden, auch ihnen ihr gricht und rechtung zu behalten, als das von alter har kommen ist, als sehr ihr könnend und mögend. Und was euch fürkommt, dz wolgedacht unseren gnedigen herren zulangt, das einem herrn obervogt zu läiden und fürzubringen und ihnen, unseren gnedigen herren von ZürichOrt: , das wegst und best zuthun, getrüwlich und ungefahrlich.↩

Diese Formulierung bezieht sich auf die Obervogteien der Stadt ZürichOrt: , da diese von Obervögten regiert wurden, die Mitglieder des Kleinen RatesOrganisation: waren und ihren Sitz in der Stadt hatten, im Unterschied zu den auf der Landschaft residierenden Landvögten (zu dieser Regelung vgl. die Ordnung für die Besetzung der Obervogteien, SSRQ ZH NF I/1/3 92-1 ).↩
Vgl. dazu auch die Ordnung der Stadt ZürichOrt: für die Bestellung von Vögten für Witwen und Waisen, SSRQ ZH NF I/1/3 61-1.↩
Vgl. dazu das Verbot geschlitzter Hosen sowie das Mandat betreffend Vogelfang und Jagd (SSRQ ZH NF I/1/3 110-1; SSRQ ZH NF I/1/3 165-1).↩
Für die verschiedentlich erneuerten Reislaufverbote vgl. SSRQ ZH NF I/1/3 54-1; SSRQ ZH NF I/1/3 126-1.↩
Gemeint ist das Grosse Mandat des Jahres 1530 (SSRQ ZH NF I/1/11 9-1).↩